[ لــيــلــة فــرآقــهــآ ]
لا والله الا رحت فيها .. والبلا كاني بكيت
الحزن داهمني .. ونفسي ضايقه من مابها
بديت احس الكون يصغر .. في عيوني وابتديت
اكره مكاني .. [والرياض] يضيق بي ترابها
راحت غرام القلب .. واصدق قلب فالدنيا لقيت
هي سافرت عني .. وانا والله مااطيق غيابها
من اول اقوى بعدها .. واليوم عاجز ماقويت
تاخذني الذكرى لها .. لحد مااوصل بابها
انــآم من كثر التعب .. واتعب ليامني صحيت
اعيشها واليا غفيت .. اغفابها واصحابها
احاول اجفاها .. ولكن في الحقيقه ماجفيت
الا علاقاتي مع العالم .. عشان اعجابها
ياويل حالي يامساعد .. وياكبر حظ الكويت
لا والله الا حظ اهاليها .. وحظ اقرابها
حبيتها مو مشكله .. مشكلتي الكبرى نسيت
ليلة فراق الغاليه .. نسيت احسب حسابها
نسيت لحسب لحظة .. فراق الهنوف اللي هويت
نسيت كيف احيا حياتي .. دامني مااحيابها
والله ماابغى شي من دنياي .. بس اللي بغيت
ودي اكون اقرب لها .. من عطرها في ثيابها
ينتابني حزن والم .. واحس بأحساس مميت
واقدر احلف .. ان الذي ينتابني ينتابها
شعور ماحسيت به .. من يوم في الدنيا وعيت
احساس ماحسيت به .. من قبل اشوف اهدابها
الله من كثر التعب .. واللي من الفرقى جنيت
سهر ,, قصيد ,, هموم ,, كل هذي وش اللي جابها ؟؟
اعيش يومي ودي اهنا .. وعدآ مااهتنيت
اصلا" انا وشلون ابهنى .. دامني مااهنابها ؟؟
هذي لو اني عشت معها .. طول عمري مااكتفيت
لكن عساها سالمه .. للشايب اللي جابها
مكتوب واللي كاتبه ربي .. تراني به رضيت
عسى الله يهون على نفسي .. مصاب" صابها
يامساعد اليوم انتهى .. وانا مع اليوم انتهيت
مابه جديد .. الا بقايا شاعر" يبقابها
ادري تشوف ان التعب فيني .. ولا ودي دريت
ادري وندري كلنا ... غيري ترا آولى بها
بس الذي خلاني احكي .. كل ماانا عنه حكيت
هي حاجتن نسيتها .. من قبل وقت غيابها
حبيتها مو مشكله .. مشكلتي الكبرى نسيت
ليلة فراق الغاليه .. نسيت احسب حسابها
الرئيسية 
أحدث الصور 
التسجيل 
دخول 
الأربعاء أبريل 09, 2008 10:07 pm
